कोरिया र जापानको जीत

एसियन पावरहाउस दक्षिण कोरिया र जापानले आज खेलिएको मैत्रीपूर्ण फूटबल खेलमा जीत हात पारेको छ ।
कोरियाले फिफा वरियतामा पाँचौ स्थानमा रहेको उरुग्वेलाइ २:१ ले पराजीत गरेको हो । कोरियाको लागि यु. ह्वाङले ६६ औं मिनेटमा पहिलो गोल गरेका थिए । ७२ औं मिनेटमा भेकिनोले गोल गर्दै उरुग्वेलाइ खेलमा फर्काउने प्रयास गरेको थियो तर ७९ औं मिनेटमा कोरियाका जुङले गोल गरेपछी कोरिया बिजयी भएको थियो ।
यस अघि विश्वकपमा जर्मनीमाथि पनि जीत दर्ता गर्दै कोरियाले सनसनी मच्चाएको थियो ।
त्यसै गरि आजै सम्पन्न अर्को मैत्रीपूर्ण खेलमा जापानले पानामालाई ३:० ले पराजीत गरेको छ । जापानको तर्फबाट टुकुमी र इटाेले १-१ गोलको योगदान दिएका थिए भने अर्को गोल आत्मघाती भएको थियो ।
जापानले अब मंगलबार उरुग्वेसित मैत्रीपूर्ण खेल खेल्नेछ । कोरियाले भने सोही दिन पानामासित खेल्ने छ ।