दक्षिण अफ्रिकी फुटबल टिमका कप्तानको गोली हानी हत्या

दक्षिण अफ्रिकी फुटबल टिमका कप्ता तथा गोलरक्षक सेन्जो मेयिबाको गोली हानी हत्या गरिएको छ । जोहनेसवर्गको दक्षिणस्थित बोसलुरुसस्थित प्रेमिकाको घरमा मेयिबाको गोली हानी हत्या भएको पुष्टि त्यहाँस्थित प्रहरीले गरेको छ । 

 

दक्षिण अफ्रिकाका कप्तान २७ वर्षीय सेन्जो मेयिवा ओरान्डो पाइरेट्स क्लबका तर्फबाट व्यवसायिक फुटबल खेल्थे । शनिबार मात्रै उनले आफ्नो क्लबका तर्फबाट एउटा खेल खेलेका थिए । उनको टिमले शनिबारको खेलमा आजाक्स केप टाउनलाई ४–१ को फराकिलो अन्तरले पराजित गरेको थियो । दक्षिण अफ्रिकाको लिग कपमा सेमिफाइनलसम्म पुग्न सफल भएको थियो ।

 

मेयिवाले एक महिनाअघि मात्रै कंगोविरुद्दको फुटबल प्रतियोगितमा कप्तानको जिम्मेवारी निर्वाह गरेका थिए । आइतबार मात्रै अफ्रिकन पप स्टार प्रेमिका केली खुमलोसँगै खिचेको फोटोमा मेयिवा मुस्कुराइरहेका देखिएका थिए । 

 

प्रेमिकाको घरमा गोली लोगपछि मेयिवालाई मृत अवस्था अस्पतालमा ल्याइपुर्याएको प्रहरीले जानकारी दिएको छ । घटनाको कारणबारे हालसम्म विस्तृत जानकारी आउन नसकेको अन्तर्राष्ट्रिय समाचार एजेन्सीहरुले जनाएका छन् । मेयिवाको हत्यामा संलग्नबारे सूचना दिनेलाई ८५ सय पाउन्ड पुरस्कार दिने घोषणा पनि प्रहरीले गरेको छ ।