मेसी लगातार उत्कृष्ट

जारी विश्‍वकपमा अर्जेन्टिनाका स्टार स्ट्राइकर लियोनल मेसी लगातार चौथो खेलमा प्लेयर अफ दि म्याच भएका छन। स्विट्जरल्यान्डविरुद्व मंगलबार राती भएको प्रिक्‍वार्टरफाइनलमा मेसी प्लेयर अफ दि म्याच चुनिए।

मेसीले राम्रो मुभ बनाउँदै एन्जेल डी मारियालाई पास निकालि दिएपछि अर्जेन्टिनाले अतिरिक्त समयमा पुगेको खेलमा स्विट्जरल्यान्डलाई १-० गोलले हराएको थियो। यस अघि समुहगत चरणका तिनवटै खेलमा मेसी प्लेयर अफ दि म्याच भएका थिए।

अनलाइन भोटका आधारमा खेलको प्लेयर अफ दि म्याच छानिने गरिएको छ। मेसीले जारी प्रतियोगितामा चार गोल गरिसकेका छन।

उनी सर्वाधिक गोलकर्ताको सुचिमा शिर्षस्थानमा रहेका कोलम्बियन जेम्स रोड्रिगुएजभन्दा एक गोलले मात्र पछि छन। मेसी स्विट्जरल्यान्डविरुद्व मात्र गोल गर्न असफल भए।