अर्जेन्टिनाकाे लगातार दाेस्राे जीत

विश्व नं. १ लियाेनल मेस्सीले इन्जुरी समयकाे पहिलाे मिनेटमा सुन्दर गाेल गरेपछि बराबरीकाे नजिक पुगेकाे इरान र अर्जेन्टिनाबीचकाे खेलमा अर्जेन्टिना विजयी भएकाे छ । मेस्सीकाे विश्वकपमा गरेकाे तेस्राे गाेल हाे । २००६ मा १ गाेल गरेका स्टार मेस्सीले जारी ब्राजिल विश्वकपमा २ खेल खेलेर २ गाेल गरिसकेका छन् । 

स्टार खेलाडीले भरिएको अर्जेन्टिना खेलकाे पूरा समय इरानविरुद्ध हावी भयो । ९० मिनेटको खेल अर्जेन्टिनाकै नियन्त्रणमा रह्यो । इरानी खेलाडी रक्षापंक्तिमै व्यस्त देखिए पनि काउन्टरमा इरानी अाक्रमण बचाउन अर्जेन्टिनालार्इ हम्मेहम्मे परेकाे थियाे ।

गोन्जालो हिगुइन, एन्जेल डि मारिया र सर्जियो एगुइरोले सुझबुझपूर्ण खेल पस्कदै निरन्तर आक्रमण गरे । तर, उनीहरुलाई इरानी गोलकिपर अलिरेजा हाजीजीले निरास पारिदए । अर्जेन्टिनी कप्तान एवम् सुपरस्टार लियोनल मेसी इरानी डिफेन्सको कडा नियन्त्रणमा खुलेर खेल्न सकेनन् । अर्जेन्टिनाले गोलका राम्रा अवसर पनि सिर्जना गर्‍यो तर, बललाई गोल लाइन पार गराउन अन्तिम समयसम्म नै कुर्नु प-याे ।