सेल्टा डे भिगो विरुद्ध डेपोर्तिभाको जीत

स्पेनिस ला लिगा अन्तर्गत शुक्रबार राती सम्पन्न एक मात्र खेलमा डेपोर्तिभा ला कोरुनाले सेल्टा डे भिगो विरुद्ध ३-१ को जीत दर्ता गरेको छ। डेपोर्तिभा ला कोरुनाले खेल सुरु भएको तेस्रो मिनेटमा नै रिकिको गोल बाट अग्रता लिएको थियो। दोस्रो हाफको ६३ औं मिनेटमा सिल्भियो र ७७ मिनेटमा डिओगो सलोमैओले डेपोर्तिभा ला कोरुनाको तर्फबाट गोल थपेपछि ३-० ले पछि परेको सेल्टा डे भिगोले ७९ औं मिनेटमा सान्त्वना गोल गरेको थियो। रेलिगेशनबाट बाँच्न संघर्षरत दुवै टिम १९ र २० औं स्थानमा रहेका छन्।