सेभिल्ला सफल

स्पेनिस ला-लिगा अन्तर्गत शुक्रबार राती सम्पन्न एकमात्र खेलमा सेभिल्ला विजयी भएको छ। सेभिल्लाले 3-1 ले डिपोर्तिभा ला कोरुनालाई पराजीत गर्न सफल भयो। घरेलु मैदानमा सेभिल्लाको तर्फबाट गेरी मेडेलले 26 औं 39 औं मिनेटमा 2 गोल गरे भने अर्को गोल सुरुवाती 5 औं मिनेटमा इभान रकिटिकले गरेका थिए। सबै गोल पहिलो हाफमा सम्भव भएको खेलमा डिपोर्तिभा ला कोरुनाको तर्फबाट रिकीले 31 औं मिनटमा सान्त्वना गोल गरेका थिए। यो जीत संगै सेभिल्ला लिग तालिकाको 10 औं स्थानमा उक्लिएको छ भने डिपोर्तिभा ला कोरुना पुछारमा रहेको छ।