एभरेस्ट र रेडस्टार सेमीमा

पंचायत उच्च मा. वि. पथरी, मोरंगको आयोजनामा संचालन भइरहेको अन्तर मा. वि. र अन्तर उच्च मा. वि. स्तरीय फूटबल प्रतियोगिताको विहीवार सम्पन्न खेलमा मा. वि. तर्फ रेड स्टार र उच्च मा. वि. तर्फ एभरेस्ट विजयी भएको छ।
पथरी-2 को रेडस्टारले पथरी-4 को चन्द्र किरातेश्वोरलाई 2-0 ले पराजीत गर्दै सेमी-फाइनल प्रवेश गरेको छ। रेड स्टारको तर्फ़बाट दुवै गोल म्यान अफ द म्याच याम सुब्बाले गरेका थिए।
उच्च मा. वि. तर्फको खेलमा भने पथरीको एभरेस्ट शनिश्चरेको भागिरथलाई 2-1 अन्तरले पछि पार्दै सेमी-फाइनल प्रवेश गरेको छ। म्यान अफ द म्याच गोपाल सुब्बा र भुवन चापागाईंले 1-1 गोल गरेपछि एभरेष्टले सेमी-फाइनलमा आफ्नो स्थान पक्का गरेको हो।