बार्सा र रियलको उस्तै जीत

स्पेनिस ला लिगा अन्तर्गत शनिबार राती सम्पन्न खेलमा लिग लिडर बार्सिलोना र डिफेन्डीङ्ग च्याम्पियन रियल म्याड्रिड दुबैले एक गोलले पछि परेको स्थिति उल्टाउदै समान २-१ को जीत दर्ता गर्यो। सेभिल्लाको तर्फबाट खेलको ४१ औं मिनेटमा अल्बेर्टो बोटियाले गोल गरेपछि पहिलो हाफ बार्सिलोना १-० ले पछि परेको थियो। बार्सिलोनाको लागि खेलको ५१ औं मिनेटमा डेभिड भिल्ला र ५९ औं मिनेटमा लियोनल मेस्सीले गोल गरेका थिए। त्यसै गरि डिपोर्तिभा ला कोरुनाका रिकीले ३३ औं मिनेटमा गरेपछि रियल विरुद्ध दबाब बढेको थियो तर रियल ७२ औं मिनेटमा काकाको गोलबाट खेलमा फर्कियो भने निर्णायक दोस्रो गोल गोन्जालो हिगुइनले गरे। अन्य खेलमा गेटाफेले आरसीडी माल्लोर्कालाई ३-१ ले पछि पर्यो भने रियल जारागोजा र भ्यालेन्सियाले २-२ को बराबरी खेले।
२५ औं चरणको खेल पछि बार्सिलोना ६८ अंक सहित शीर्ष स्थानमा छ भने रियल ५२ अंकका साथ लिग तालिकाको तेस्रो स्थानमा छ।