स्वान्सी लिग कप च्याम्पियन

आइतबार राती सम्पन्न फाइनल प्रिमियर लिग क्लब स्वान्सीले तल्लो डिभिजनको प्रतिद्वन्द्वी ब्राडफोर्ड सिटीलाई ५-० ले पछि पार्दै लिग कप फूटबल प्रतियोगिताको उपाधि जीतेको छ। स्वान्सीको तर्फबाट नाथन डेयर र जोनाथन डी गुजम्यानले २-२ र थप एक गोल मिच्युले गरेका थिए। ११९ वर्षे इतिहास बोकेको  स्वान्सीले जितेको यो नै सबैभन्दा ठूलो उपाधि हो। स्वान्सीको यो जीत सर्वाधिक फराकिलो जीतको कीर्तिमानी पनि बन्यो। यस अगाडी सन् २००६ मा म्यानचेस्टर युनाईटेडले विगनलाई ४-० ले हराएको थियो।