युरोपियन च्याम्पियन लिगमा युभेन्टस र पिएसजीको जीत

इटालियन क्लब युभेन्टस युरोपियन च्याम्पियन लिगको क्वार्टर-फाइनल प्रवेशको लागि मंगलबार राति सम्पन्न खेलमा 3-0 को नतिजा निकाल्दै एक कदम अगाडि बढेको छ। अलेस्संद्रो माट्रीले सुरुवाती तेस्रो मिनटमा नै सेल्टिक विरुद्ध गोलको खाता खोलेको खेलमा पाहुना टोली युभेन्टसको तर्फबाट अन्य गोल भने दोस्रो हाफको अन्त्यतिर सम्भव भएको थियो। क्लाउडियो मर्चिसिओले 77 औं र मिर्को भुसिनिकले 83 औं मिनेटमा युभेन्टसको लागि गोल गरेपछि घरेलु मैदान सेल्टिक-पार्कमा सेल्टिक फराकिलो अन्तरले पराजय बेहोर्न बाध्य भयो। अब सेल्टिकको अघिल्लो चरण प्रवेश कठिन बनेको छ।

मंगलबार राती अनि सम्पन्न अर्को खेलमा पेरिस सेन्ट जर्मनले भ्यालेन्सियालाई घरेलु मैदान इस्टडियो द मेसतल्लामा 2-1 पछि पार्न सफल भयो। इजेक्वेल लाभेजी ले 10 औं मिनेटमा र जाभियर पस्टोरेले 43 औं मिनेटमा गोल गरेपछि पाहुना टोली पिएसजी मध्यान्तर अगाडि 2-0 को अग्रता लिन सफल भएको थियो। अडिन रामीले घरेलु टोली भ्यालान्सियाको लागि 90 औं मिनेटमा एक गोल फर्काए पनि त्यो हार टार्न प्रयाप्त भएन।