पुलिस सुपर लिगमा छनौट भो

नेपाल पुलिस क्लबलाई सुपर लिग खेल्नको लागि जित्नै पर्ने आजको पहिलो चरणको अन्तिम खेलमा आज भिडेको थियो ललितपुरे टोली जावलाखेल युथ क्लब संग। जावलाखेल भने हिमालयन शेर्पा क्लबले हिजो मध्यपुरलाई पराजीत गरेपछि रेलिगेसनको खतरा टरिसकेको थियो। जावलाखेलले पुलिसलाई मध्यान्तर सम्म त बराबरीमा रोक्न सफल भयो तर मध्यान्तर पछिको 73 औं मिनेटमा चेतन घिमिरेले हेड बाट पुलिसको लागि गोल गरे। अन्त्यमा त्यही गोल नै निर्णायक भयो तर त्यो गोलको पीडा भने जावलाखेल भन्दा बढी सरस्वतीलाई बढी महँगो भयो किनकि त्यही गोलको कारण सरास्वती सुपर लिग खेल्न बाट वन्चित भएको छ।