थ्री स्टार विन्टर च्यम्पियन

प्रतिस्प्रधात्मक खेलमा मछिन्द्र हिमालयन शेर्पासँग 3-2 ले हार्दा एक खेल अगावै थ्री स्टार विन्टर चाम्पियन बनेको छ। थ्री स्टार 32 अङ्कका साथ शीर्ष स्थानमा छ भने 26/26 अङ्कका लिएर आरसिटी र मछिन्द्र क्रमश दोश्रो र तेश्रो स्थानमा छ। दुई खेल खेल्न बाँकी मनाङ्ग 25 अंक लिएर चौथो स्थानमा स्थानमा छ।
छैटौ मिनटमा जसबहादुर राईको  गोलबाट अग्रता लिएको शेर्पा 35 औं मिनटमा आइपुग्दा 2-1 ले पछि परेको थियो। मछिन्द्रको लागि लागि 27 औं मिनटमा बिशाल राई ए र 35 औं मिनटमा कप्तान दीपक राईले गोल गरेका  थिए तर मछिन्द्रका अमर सुब्बाले होप रयालीलाई डी बक्स भित्र लडाए पछि प्राप्त पेनाल्टी लाई रुपेश केसीले  गोलमा परिणत गर्दै खेल बाराबारीमा ल्याएका थिए। दोश्रो हाफको  सुरुमा नै मबिरुले शेर्पाको तर्फबाट गरेको गोल नै निर्णायक भयो।