FIDE Grand Swiss: शीर्ष स्थानमा ६.५ अंकसहित चार दावेदार

नवौं चरणपछि GM म्याथियस ब्लुबाउम (जर्मनी), GM अलीरेजा फिरोज्जा (फ्रान्स), GM भिन्सेन्ट कीमर (जर्मनी) र GM अनिश गिरी (नेदरल्यान्ड) समान ६.५/९ अंकसहित संयुक्त रूपमा शीर्ष स्थानमा छन्। यी चारै खेलाडीहरू अब क्यान्डिडेट्स टूर्नामेन्ट २०२६ को टिकटका लागि बलियो दावेदार बनेका छन्।

आज हुने दशौं चरणमा शीर्ष स्थानका दावेदारहरूबीच सिधा भिडन्त हुने छ:। अलीरेजा फिरोज्जा vs भिन्सेन्ट कीमर र म्याथियस ब्लुबाउम vs अनिश गिरी एकापसमा भिड्नेछन् । 

यी खेलहरू प्रतियोगिताको समीकरण बदल्ने सम्भावना बोकेका छन्। जित्ने खेलाडीले ७.५ अंकमा पुग्नेछन्, जुन प्रायः क्यान्डिडेट्स छनोटका लागि पर्याप्त मानिन्छ।

भारतीय ग्रान्डमास्टरहरू अर्जुन एरिगैसी, निहाल सरिन नवौं चरणपछि ६ अंकमा छन्। अन्तिम दुई चरणमा उत्कृष्ट प्रदर्शन गरेमा उनीहरू पनि शीर्ष स्थानमा पुग्न सक्ने सम्भावना कायम छ, यद्यपि टाइब्रेकमा निर्भर हुनेछ।

अब प्रतियोगिता दुई चरण मात्र बाँकी छ। शीर्ष स्थानमा रहेका खेलाडीहरूबीचको सिधा भिडन्तले प्रतियोगिताको दिशा बदल्नेछ। टाइब्रेक प्रणाली, खेल कौशल, र मानसिक मजबुती—यी सबैले अन्तिम नतिजा निर्धारण गर्नेछन्।विश्वभरका चेसप्रेमीहरू अब शीर्ष बोर्डमा केन्द्रित छन् ।