अर्जेन्टिनामा मेस्सीको विदाई: भावनात्मक क्षणसँगै ३–० को शानदार जित

ब्युनोस आयर्स, सेप्टेम्बर ४ – 

अर्जेन्टिनाले विश्वकप छनोटको १७औं चरणमा भेनेजुएलालाई ३–० ले पराजित गर्दै आफ्नो शीर्ष स्थान अझै मजबुत बनायो। तर यो जितभन्दा पनि धेरै ठूलो क्षण थियो – कप्तान लियोनेल मेस्सीको आफ्नै देशको मैदानमा भएको अन्तिम घरेलु छनोट खेल।

अर्जेन्टिनाले उत्कृष्ट प्रदर्शन गर्दै भेनेजुएलामाथि सहज जित हात पार्‍यो। लियोनेल मेस्सीले दुई गोल गरे – पहिलो व्यक्तिगत कौशलले, दोस्रो टोली सहकार्यबाट सम्भव भएको थियो । अर्को गोल लाउटारो मार्टिनेजले गरे ।

भावनात्मक विदाई क्षण

खेल सुरु हुनु अघि नै पुरा स्टेडियम ‘धन्यवाद कप्तान’ लेखिएको ब्यानर र tifos ले सजिएको थियो। मेस्सी परिवारसँगै मैदानमा प्रवेश गर्दा दर्शकहरू उठेर तालि बजाउँदै उनको विदाईलाई विशेष बनाए। मेस्सीले खेलपछि भने: “यो मेरो लागि विशेष खेल हो, किनकि यो अर्जेन्टिनामा भएको अन्तिम छनोट खेल हो।”

प्रशिक्षक र टोलीको प्रतिक्रिया

प्रशिक्षक लियोनेल स्कालोनीले भने: “यो खेल भावनात्मक छ। मेस्सीलाई प्रशिक्षित गर्न पाउनु नै सौभाग्य हो।”उनका सहखेलाडीहरूले समेत मेस्सीलाई ‘जीवनको प्रेरणा’ भन्दै सम्मान प्रकट गरे।

सामाजिक सञ्जालमा फ्यानहरूले भावपूर्ण शब्दमा प्रतिक्रिया जनाए: “मेस्सी, कृपया ह्याट्रिक दिनुहोस्।” “उनी फर्किए, र फेरि चम्किए।” “सबैभन्दा महान् फुटबलरलाई प्रत्यक्ष हेर्ने अवसर छुटाउनु हुँदैन।”

यो खेल केवल अर्जेन्टिनाको अर्को जित मात्र थिएन, यो क्षण अर्जेन्टिनी फुटबल इतिहासमै भावनात्मक अध्यायको रूपमा रहनेछ। मेस्सीले आफ्नो अन्तिम घरेलु विश्वकप छनोट खेलमा चम्किलो प्रदर्शन गर्दै फ्यानहरूको मन जिते, र विश्वलाई फेरि स्मरण गराए – किन उनलाई सर्वकालीन महान् भनिन्छ।