नेपाल र बंगलादेश उपाधीको लागि भिड्ने

भुटानमा जारी १८ वर्ष मुनिको साफ महिला फूटबल प्रतियोगिताको उपाधीको लागि आज नेपाल र बंगलादेश भिड्नेछन् । नेपाली समय अनुसार १८:४५ देखि खेल सुरु हुनेछ ।
समूह चरणको खेलमा नेपाल बंगलादेशसित २-१ पराजित भएको थियो । समूह उपविजेता बन्दै अगाडि बढेको नेपाली चेलीहरु सेमिफाइनलमा बलियो भारतलाई पेनाल्टी सुट आउटमा पराजित गर्दै फाइनल यात्रा तय गरेको थियो । नेपाली गोल किपर अन्जली राना मगरले भारतको तीन पेनाल्टी बचाउ गर्नुको साथै १ गोल पनि गरेकी थिइन् ।