ब्राजिल र कतार विजयी

शुक्रबार राती खेलिएको मैत्रीपूर्ण फूटबलमा कतार र ब्राजिल विजयी भएका छन् ।
कतार दक्षिण अमेरिकी टिम इक्वेडरलार्इ ४ः३ ले पराजीत गरेकाे हाे भने ब्राजिलले एसियन टोली साउदी अरेबियालार्इ ०ः२ ले पराजीत गरेकाे थियो ।
कतार र इक्वेडरबीचको तनावपूर्ण खेल सकिदा पाहुना टाेली ९ खेलाडीमा सीमित भएको थियो । इक्वेडरका फ्रिक्सन इराजो ७३ अाैं मिनेटमा रातो कार्डको सामना गर्दै बाहिरिएका थिए भने इनर भ्यालेन्सिया पनि ९४ अाैं मिनेटमा रातो कार्डको शिकार भए ।
कतारलार्इ पहिलोहाफमा २ः० को अग्रता लिएको थियो । कतारको लागि अक्रम अफिफले ३२ अाैं मिनेटमा पहिलो गोल गरेका थिए भने अलमाेइज अलीले ३६ अाैं र ६८अाैं मिनेटमा गोल गरेका थिए । कतारको लागि अर्काे गोल खेलको ६१ अाैं मिनेटमा हसन अल हाइडोजले पेनाल्टीमार्फत गरेका थिए ।  इक्वेडरको लागि इनर भ्यालेन्सयाले २ गोल गरेका थिए भने अर्को एक गोल जाेजे फ्रान्सिस्को केभाल्लोसले गरेका थिए ।
ग्राबियल जिजस र एलेक्स सान्ड्रोले एक एक गोलको योगदान दिए पछि ब्राजिल जीत दर्ता गर्न सफल भएको छ । उक्त खेलमा माेहम्मद अल अाेवाइसीले ८५ अाैं मिनेटमा राताे कार्डको सामना गरेका थिए ।
शनिवार विहान खेलिएको अर्को मैत्रीपूर्ण खेलमा पेरूले चिलीलार्इ ३ः० ले पराजीत गरेकाे छ ।
यी दुर्इ टाेलीबीचको पहिलो हाफ गोलरहित बराबरीमा सकिएको थियो चिलीका इन्डो राेकोले ६४ अाैं मिनेटमा अात्मघाती गोल गरेपछि अगाडि बढेको पेरूले ७५ अाैं र ८६ अाैं मिनेटमा थप दुर्इ गोल गरेको थियो । पेरूको लागि दुवै गोल पेड्रो अक्वाइनो साञ्चेजले गरेको थियो ।