क्रोसिया र अष्ट्रेलिया विजयी

सोमबार राती सम्पन्न मैत्रीपूर्ण खेलमा विश्वकप उपविजेता क्रोसिया र अष्ट्रेलिया विजयी भएका छन् भने इराक र साउदी अरेबियाले १-१ गोलको बराबरी खेलेका छन् ।
कुवेतलाई अष्ट्रेलियाले उसकै घरमा ०-४ को विशाल अन्तरले पराजित गरेको छ । कुवेतले पहिलो गोल १२ औं मिनेटमा खाएको थियो । उपहार गोलबाट अगाडि बढेको अष्ट्रेलियाले २१ औं मिनेटमा अर्को गोल थपेको थियो । पहिलो हाफमा ०:२ ले अगाडि रहेको पाहुना टाेलीले द्रोस्रो हाफको ८२ औं र ८८ औं मिनेटमा थप गोल गर्दै फराकिलो जीत आत्मसात गरेको थियो ।
विश्वकप उपविजेता क्रोसियाले जाेर्डनलाइ २:१ ले स्तब्ध पारेको छ । क्रोसियाको लागि भिडाले २४ औं र मित्रोभिकमित्रोभिकले ६२ औं मिनेटमा गोल गरेका थिए । जाेर्डनले ७३ औं मिनेटमा एक गोल फर्काए पनि त्यस पछि गोल गर्न नसके पछि पराजित भएको थियो ।