पाकिस्तान विरुद्धको टेष्ट सिरिज श्रीलंकाद्वारा क्लिन स्विप

श्रीलंकाले पाकिस्तानबिरुद्धको टेष्ट सिरिज क्लिन स्वीप गरेको छ । दोस्रो टेष्टमा पाहूना टोली पाकिस्तानलाई १ सय ५ रनले हराएर श्रीलंकाले सिरिज ह्वाइटवास गरेको हो ।  अन्तिम दिन आज ७ विकेटको क्षतिमा १ सय २७ रनबाट दोस्रो इनिङ्स थालेको पाकिस्तान थप ३८ रन जोड्दै अलआउट भयो ।
श्रीलंकाका रंगना हेराथले सर्वाधिक ५ विकेट लिए । पहिलो इनिङ्समा ९ विकेट लिएका हेराथ म्यान अफ दी म्याच र सिरिज दुबै घोषित भए ।  पहिले ब्याटिङ्ग गरेको श्रीलंकाले पहिलो इनिङ्समा ३ सय २० र दोस्रोमा २ सय ८२ रन जोडेको थियो ।  पाकिस्तानले भने पहिलो इनिङ्समा सरपराज अहमदको १ सय ३ रनको मद्दतमा ३ सय ३२ रन जोडेको थियो । भ्रमणकारी टोली पाकिस्तानले श्रीलंकामा ५ वन डे म्याचको सिरिज पनि खेल्नेछ । पहिलो वन डे आगामी शनिबार ह्याम्बनटोटामा हुनेछ ।