क्रिकेट एसोसिएसनलाई खेल सामग्री

हेटौडा क्रिकेट एसोसिएसन अफ मकवानपुरलाई एलिड पावर इन्जिनियरिङका कार्यकारी निर्देशक सुरज थापाले २५ हजार रुपैयाँ बराबरको क्रिकेट खेल सामाग्री प्रदान गरेका छन् । बुधबार हेटौंडामा कार्यक्रममा थापाले एसोसिएसनका अध्यक्ष बासुलाल श्रेष्ठलाई सामाग्री हस्तान्तरण गरे ।
थापाले व्याट, प्याड, ग्लोभ्स, विकेट र हेल्मेट प्रदान गरेका हुन् । 'मकवानपुर क्षेत्रको क्रिकेटको विकासका लागि यो सहयोग गरेको हुँ,' थापाले भने ।
कार्यक्रममा एसोसिएसनका परामर्शदाता अमृतसिंह थापाले आफ्नो आम्दानीबाट मासिक ५ हजार रुपैयाँ खेलाडीललाई सहयोग गर्ने पनि घोषणा गरे ।
एसोसिएसनका पूर्व खेलाडीसमेत रहेका थापाले एसोसिएसनबाट हेटौडामा क्रिकेटको विकासका लागि आफ्नो सहयोग हुने बताए ।