ब्राजिल र जर्मनीकाे भेट पक्का

ब्राजिलका कप्तान सिल्भाकाे गाेल

छैटाैं पटक उपाधी हात पार्ने याेजनामा रहेकाे घरेलु टोली ब्राजिल कोलम्बियालाई २-१ गोल अन्तरले हराउदै विश्‍वकप फुटबलको सेमिफाइनलको यात्रा तय गरेको छ। शनिबार विहान भएको खेलमा ब्राजिलले कोलम्बियालाई २-१ गोल अन्तरले हरायो। खेलको ७ औ मिनेटमा नेमारको प्रहारलाई डिएगो शिल्भाले पहिलो गोल गर्दै अग्रता दिलाएका थिए।

ब्राजिलका डेभिड लुइजले खेलको ६९ औं मिनेटमा फ्रिकिक प्रहार गर्दै उत्कृष्ट गोल गर्दै घरेलु टोलीलाई दोब्‍बर अग्रता दिलाए। ब्राजिलका कीपर जुलियो सिजरले फल गरेपछि प्राप्त पेनाल्टीलाई जेम्स रोड्रिगेजले ८० औं मिनेटमा गोल गरे । तर यो गोलले मात्रै उसको घर फिर्ती रोकिएन ।  रोड्रिग्वेजको जारी विश्वकपमा यो छैठौं गोल हो ।  खेलको ८८ औं मिनेटमा चोटका कारण ब्राजिलका स्ट्राइकर नेयमारले मैदान छाडे। उनको स्थानमा हेनरिक मैदान प्रवेश गरेका थिए। अब हुने सेमिफाइनल खेलमामा घरेलु टोली ब्राजिल र जर्मनी जितका लागि भिड्नेछन्।