युवा फुटवल टोली कोरियाबाट फर्किदै

अभ्यास तथा मैत्रीपूर्ण खेलका लागि दक्षिण कोरिया गएको नेपालको १६ वर्ष मुनिको फूटबल टोली सोमबार स्वदेश फर्किंदैछ ।

नेपाली युवा टोली दिउँसो पौने १२ बजे काठमाडौ आइपुग्ने अखिल नेपाल फुटबल संघ एन्फाले जनाएको छ । आउँदो महिना हुने १६ वर्ष मुनिको एएफसी च्याम्पियनसीपको तयारीका लागि नेपाली टोली अभ्यास तथा मैत्रीपूर्ण खेलका लागि असार २३ गते कोरिया गएको थियो ।

दक्षिण कोरियामा रहँदा नेपाली टिमले त्यहाँको युवा टोली र दुई विश्वद्यिालयको टिमसंग मैत्रीपूर्ण खेल खेलेको थियो । जसमा एक खेल जितेको थियो भने दुई खेल बराबरी खेलेको थियो ।

भदौ २१ मा सुरु हुने १६ वर्ष मुनिको एएफसी च्याम्पियनसीपमा समूह सीमा रहेको नेपालले उज्वेकिस्तान, कुवेत र उत्तर कोरियासंग खेल्नेछ ।