खेलकुद विकास विभाग प्रमुखमा कुलबहादुर

राष्ट्रिय खेलकुद परिषद् (राखेप)अन्तर्गत खेलकुद विकास विभाग प्रमुखको जिम्मेवारी कुलबहादुर थापाले पाएका छन् । 

राखेपको बैठकको निर्णयानुसार थापालाई आज खेलकुद विकास विभाग प्रमुखको जिम्मेवारी दिइएको राखेपले जनाएको छ । यसअघि थापा विद्यालय खेलकुद विकास विभागका प्रमुख थिए ।

उनी विसं २०५२ मा अधिकृत तेस्रो श्रेणीमा परिषद्को स्थायी सेवामा प्रवेश गरेका थिए । उनले यही असार ४ गतेदेखि आफनो जिम्मेवारी सम्हाल्ने राखेपले जनाएको छ ।