नाइजेरिया विजयी, बोस्निया बाहिरियो

आइतबार विहान भएको प्रतिस्पर्धात्मक खेलमा नाइजेरियाले बोस्निया एण्ड हर्जगोभिनामाथि १-० को कठिन जित हासिल गरेको छ । नाइजेरियाको लागि एक मात्र गोल ओडेमविंगीले गरेका थिए ।

जितसँगै नाइजेरियाले ४ अंक बुटलेको छ । उसले पहिलो खेलमा इरानसंग बराबरी खेलेको थियो । पहिलो खेलमा अर्जेन्टिनासँग पराजित बोस्निया अंक विहिन छ । समूह एफ मा रहेको इरानको एक बराबरी र एक हारसँगै १ अंक छ । दुई खेलमा जित हात पारेको अर्जेन्टिना एक खेल बाँकी छदै अन्तिम १६ मा पुगिसकेको छ ।
खेल अवधीभर बोस्नियाका खेलाडीले मैदानमा पकड राखेपनि नाइजेरियाले गरेको गोल फर्काउन सकेनन् ।

नाइजेरियाले आगामी खेल अर्जेन्टिनासँग खेल्नेछ । पहिलो पटक विश्वकपमा सहभागी बनेको बोस्निया समूह चरणबाटै बाहिरिएको छ ।