राखेप उपाध्यक्षमा शेर्पा मनोनित

सरकारले टेन्डी शेर्पालाई राष्ट्रिय खेलकुद परिषद्को उपाध्यक्ष मनोनित गरेको छ । एक हप्ता अघि मात्रै राखेपका मनोनित सदस्यको कार्यभार ग्रहण गरेका शेर्पालाई आज युवा तथा खेलकुद मन्त्री पुरुषोत्तम पौडेलले उपाध्यक्ष नियुक्त गरेका हुन् ।

परिषद्का सदस्यमध्येबाट उपाध्यक्ष मनोनित गर्ने प्रावधान छ । शेर्पा राष्ट्रिय बास्केटबल संघका अध्यक्ष हुन् । उनी ध्रुवबहादुर प्रधान अध्यक्ष रहेको नेपाल ओलम्पिक कमिटीका सदस्य पनि हुन् ।