सरस्वती विराट गोल्ड कपको सेमीमा

सरस्वती युवा क्लब बिराटनगरमा जारी विराट गोल्ड कपको सेमी फाइनल प्रवेश गरेको छ। बुधवार सम्पन्न खेलमा पाहुना टोली भारतको मणिपुर फूटबल क्लबलाई २-० ले पाखा लगाउदै सरस्वतीले अन्तिम चारमा आफ्नो स्थान पक्का गरेको हो। सरस्वतीको लागि दुवै गोल विदेशी खेलाडी जोन डिकले गरेका थिए। म्यान अफ द म्याच डिकले पहिलो गोल ३७ औं मिनेटमा गरेका थिए भने दोस्रो गोल राजकुमार घिसिङ्गको क्रसमा दोस्रो हाफको ६८ औं मिनेटमा गरेका थिए।