थ्री स्टार उपाधि नजिक

लिग लिडर थ्री स्टार क्लब शनिबार सम्पन्न रेड बुल ए डिभिजन सुपर लिगमा रानीपोखरी कर्नर टिम विरुद्ध २-० को जीत दर्ता गर्दै उपाधि नजिक पुगेको छ। जीत पछि २० खेलबाट थ्री स्टारको ४२ अंक भएको छ भने समान खेलबाट दोस्रो स्थानमा रहेको मनाङ्गको ३७ अंक रहेको छ त्यसैगरी १ खेल कम खेलेको न्युरोड टिम ३५ अंक सहित लिग तालिकाको तेस्रो स्थानमा रहेको छ। थ्री स्टारको लागि सुरुवाती तेस्रो मिनेटमा नै विजय गुरुङले गोल गर्दै अग्रता दिलाएका थिए भने दोस्रो गोल फेमि जोशुआले ४० औं मिनेटमा गरेका थिए। यो जीत संगै थ्री स्टारले पहिलो चरणको लिगमा आरसिटी संग बेहोरेको पराजयको बदला पनि लियो।