मच्छिन्द्रको जीत, बलियो आर्मीको लगातार दोस्रो हार

राष्ट्रिय टिमको बन्द प्रशिक्षणबाट अन्तिम समयमा फालिएका मच्छिन्द्रका दुई स्टाइकर कप्तान दीपक राई र बिशाल राईले १-१ गोल गरेपछि बुधबार सम्पन्न रानी पोखरी कर्नर टिम विरुद्धको खेल २-१ ले आफ्नो पक्षमा पर्दै मच्छिन्द्र लिग तालिकाको तेस्रो स्थानमा उक्लिएको छ। जीत पछि मछिन्द्रको ३० अंक भएको छ। लिग लिडर थ्री स्टार ३८ अंक सहित शीर्ष स्थानमा छ। मच्छिन्द्रको लागि कप्तान दीपक राईले २९ औं मिनेटमा हेड मार्फत गोल गरेका थिए। दीपकले बिशाल राई बि को कर्नर किक सदुपयोग गरेका थिए। ७७ औं मिनेटमा आरसिटीको लागि अमर डंगोलले गोल गर्दै खेल बराबरीमा ल्याए पनि ८८ औं मिनेटमा कर्ण लिम्बुले उपलब्ध गरिएको बललाई बिशाल राई  बी ले जाली चुमाए पछि खेल मच्छिन्द्रको पक्षमा मोडिएको थियो। यो जीत संगै लिगको पहिलो चरणमा ४-० को फराकिलो हारको बदला पनि लियो मच्छिन्द्रले।
दिनको दोस्रो खेलमा बलियो आर्मी विरुद्ध मनाङ्गले १-० को जीत दर्ता गर्दै कुल ३२ अंक बटुल्न सफल भयो। मनाङ्गको जीतमा अनिल गुरुङले छैटौं मिनेटमा गोल गरेका थिए। ६५ औं मिनेटमा डी-बक्सभित्र प्राप्त बललाई हात गोल गरेपछि कप्तान अनिल गुरुङ दोहोरो पहेलो कार्ड खादै मैदान छाड्न बाध्य भएको थियो। १० खेलाडीमा सिमित मनाङ्गले त्यसपछि रक्षात्मक खेल खेल्यो र सफल पनि भयो।