मनाङ्ग बराबरीमा रोकियो, लिग लिडरलाई राहत

रेड बुल ए डिभिजन लिग अन्तर्गत शनिबार सम्पन्न खेलमा फ्रेन्ड्स र मनाङ्गले २-२ गोलको बराबरी खेल्दा शुक्रबार एनआरटीलाई खेल सुम्पिएको लिग लिडरलाई ठूलो राहत मिलेको छ।
फ्रेन्ड्सले २ पटक अग्रता लियो तर पनि अन्तिम सम्म कायम राख्न सकेन। पहिलो अग्रता १७ औं मिनेटमा प्रकाश बुढाथोकीको गोलबाट लिएको थियो तर मध्यान्तर हुनु १ मिनेट अगाडि फिल्स सर्जियो चिकोले मनाङ्गको तर्फबाट बराबरी गोल गरेका थिए। मध्यान्तर पछि ५३ औं मिनेटमा चेक ओमारले पुन फ्रेन्ड्सलाई अग्रता दिलाए। मनाङ्गले ६६ औं मिनेटमा दोस्रो पटक बराबरी गर्यो। मनाङ्गको लागि दोस्रो गोल एम्बाइल स्टेफेनले गरेका थिए। बराबरी पछि मनाङ्गको ३३ अंक भयो भने फ्रेन्ड्सको २९ अंक भएको छ। लिग लिडर थ्री स्तर ३८ अंक सहित शीर्ष स्थानमा रहेको छ।