क्युपिआर विजयी, पुछारको प्रतिस्पर्धा रोमान्चक

इंगलिस प्रिमियर लिग अन्तर्गत शनिबार राती सम्पन्न खेलमा लिग तालिकाको पुछारमा रहेको क्युपिआरले सन्डरल्याण्ड विरुद्ध ३-१ जीत दर्ता गर्दै रेलिगेसनको दबाब केहि हल्का पार्ने प्रयास गरेको छ। रेलिगेसन कै सम्भावना बोकेका दुई टिम एस्टन भिल्ला र रिडिंगविच सम्पन्न अर्को खेलमा भने एस्टन भिल्ला २-१ विजयी भयो।  अन्य खेलमा वेस्ट ब्रुम्विच अल्बियनले स्वानसीलाई २-१ ले नै पराजीत गर्यो भने नर्विच सिटी र साउथम्सनले गोलरहित बराबरी खेले। शनिबारको खेलपछि लिगको पुछारमा रेलिगेसनको प्रतिस्पर्धा कडा हुने भएको छ। पुछारमा रहेको क्युपिआर र रिडिंगको समान २३ अंक छ भने एस्टन भिल्ला २७ अंक सहित लिग तालिकाको १७ औं स्थानमा पुगेको छ। एक खेल कम खेलेको विगन एथलेट २४ अंकसहित १८ औं स्थानमा रहेको छ।