संकटा अन्तिम चारमा

संकटा क्लब विरत्नागरमा जारी दोस्रो विराट गोल्ड कपको अन्तिम चारमा स्थान सुरक्षित गर्ने चौथो टिम बनेको छ। शुक्रबार सम्पन्न अन्तिम ८ को अन्तिम खेलमा बंगलादेशको अवाह्नी क्रियाचक्रो फूटबल क्लबलाई ३-१ ले पाखा लगाउदै सेमी फाइनल प्रवेश गरेको हो।
संकटाको लागि पहिलो गोल ४८ औं मिनेटमा वर्षात गुरुङको क्रसमा स्यामुयलले गरेका थिए भने ५२ औं मिनेटमा स्यामुयलको क्रसमा वर्षात गुरुङले हेड मार्फत गोल गरेका थिए। ५९ औं मिनेटमा स्यामुयलले एक्लो प्रयासमा तेस्रो गोल गरेपछि संकटा जीतको लागि ढुक्क भएको थियो। ८६ औं मिनेटमा बेलाल हुसेनले पाहुना टोलीको तर्फबाट गोल गरेपनि त्यो हार टार्न प्रयाप्त रहेन।