सशस्त्र विरुद्ध उर्लाबारीको जीत

इटहरीमा संचालन भइरहेको दानबहादुर फुयाँल स्मृति गोल्डकप अन्तर्गत शनिबार सम्पन्न खेलमा उर्लाबारीले सशस्त्र प्रहरीको पाथिभरा गण दमक विरुद्ध ३-२ को जीत दर्ता गर्दै सेमी-फाइनल प्रवेश गरेको छ।
खेल सुरु भएको ३० सेकेन्डमा नै उर्लाबारीले म्यान अफ द म्याच पारस लिम्बूको गोलबाट अग्रता लिएको थियो। त्यसको लगत्तै दोस्रो मिनेटमा र ३३ औं खगेन्द्र भुजेलले गोल गर्दै मध्यान्तर अघि एपीएफलाई २-१ को अग्रता दिलाएका थिए। मध्यान्तर पछि ५२ औं मिनेटमा विकास राई र ७४ औं मिनेटमा पुन पारस लिम्बूले गोल गरेपछि खेल उर्लाबारीको पक्षमा गएको थियो।