युभेन्टस र पेरिस सेन्ट जर्मन च्याम्पियन लिगको अन्तिम आठमा

युभेन्टस युरोपियन च्याम्पियन लिगको क्वार्टर फाइनल प्रवेश गरेको छ। बुधबार राती सम्पन्न खेलमा सेल्टिकलाई २-० ले सहजै पाखा लगाउदै अन्तिम ८ मा आफ्नो स्थान सुरक्षित गरेको हो। युभेन्टसको जीतको लागि पहिलो हाफको २४ औं मिनेटमा अलेक्जेंड्रो मात्रीले गोलको खाता खोलेका थिए भने दोस्रो गोल ६५ औं मिनेटमा फाबियो क्वाग्लियारेल्लाले गरेका थिए। यी दुई टिम बीचको पहिलो खेलमा पनि युभेन्टस ३-० ले विजयी भएको थियो।
त्यसै गरि बुधबार राती नै सम्पन्न पेरिस सेन्ट जर्मन र भ्यालेन्सिया बीचको अर्को खेल १-१ को बराबरीमा सकियो। बराबरीले पेरिस सेन्ट जर्मनलाई फाइदा पुग्यो। पहिलो लिगमा २-१ को जीत आत्मसाथ गरेको पेरिस सेन्ट जर्मन समग्रमा ३-२ को नतिजा निकाल्दै क्वार्टर फाइनल प्रवेश गर्यो।