विराट गोल्ड कप संकटाको पोल्टामा

दोस्रो विराट गोल्ड कप को उपाधि संकटाले जितेको छ। मंगलबार सम्पन्न फाइनलमा एपीएफलाई १-० ले पछि पार्दै संकटाले उपाधिमाथि कब्जा जमाएको हो। संकटालाई उपाधि दिलाउन उसका विदेशी खेलाडी अवालेले २९ औं मिनेटमा निर्णायक गोल गरेका थिए। सुन्दर खेल पस्केको एपीएफले गोल गर्न भने सकेन। प्रतियोगिताको सर्वोक्रिस्त खेलाडी भने एपीएफका गणेश लावोती घोषित भए। प्रतियोगिता विजेता संकटाले ट्रफी सहित ३ लाख २५ हजार हात पार्यो भने एपीएफ १ लाख ५० हजारमा चित्त बुझाउन बाध्य भयो।