एपीएफ विराट गोल्ड कपको फाइनलमा

एपीएफ विराटनगरमा जारी विराट गोल्ड कपको फाइनल प्रवेश गरेको छ। शनिबार सम्पन्न पहिलो सेमी-फाइनल खेलमा पाहुना टोली भारतको दुर्गापुर स्पात फूटबल क्लबलाई ४-० को भारी गोलअन्तरले पाखा लगाउदै फाइनलमा आफ्नो स्थान सुरक्षित गरेको हो।
२८ औं मिनेटमा सन्तोष श्रेष्ठको पासमा गणेश लावतीले गोलको खाता खोलेका थिए। पहिलो हाफ १-० को अग्रता लिएको एपीएफको अन्य तीन गोल भने मध्यान्तर पछि सम्भव भएको थियो। अन्य तीन गोल सन्तोष श्रेष्ठ, नबिन लामा र दिपक खड्काले गरेका थिए। अब एपीएफले संकटा र सरस्वती बीचको विजेता संग फाइनल भिडन्त गर्ने छ।