लिगमा पुलिसविरुद्ध आर्मीको पहिलो जीत

रेड बुल ए डिभिजन लिग अन्तर्गत शुक्रबार दुई विभागीय पावर हाउस नेपाल पुलिस क्लब र नेपाल आर्मी क्लब भिडेका थिए। तनावपूर्ण खेलमा ८८ औं मिनेटमा राजु तामांगले प्राप्त पेनाल्टीमा गोल गर्दै आर्मीलाई जीत दिलाए। लिगमा आर्मीको पुलिस विरुद्ध यो पहिलो जीत हो। यस अगाडिको लिग भेटमा आर्मीले पुलिसलाई हराउन सकेको थिएन। ८९ औं मिनेटमा पुलिसका जुमानु राईको गोललाई एम्पाएरले मान्यता नदिएपछि रंगशाला तनावपूर्ण भएको थियो। जीत संगै आर्मी ३२ अंक सहित लिग तालिकाको  पाँचौ स्थानमा उक्लियो। समान अंक भएको मछिन्द्र हेड टू हेड नियम अनुसार आर्मी भन्दा अगाडि छ।