अफगानिस्तान र मलेसिया सफल

एसीसी टी२० कप क्रिकेटमा अफगानिस्तानले लगातार दोस्रो जीत दर्ता गर्दै समूह बी को शीर्ष स्थानमा उक्लिएको छ । ललितपुरको पुल्चोकस्थित इन्जिनियरिङ अध्ययन संस्थानको मैदानमा भएको खेलमा अफगानिस्तानले बहराइनलाई ७२ रनले पराजित गर्‍यो । अफगानिस्तानले प्रस्तुत गरेको १ सय ५८ रनको लक्ष्य पछ्याएको बहराइन ८५ रनमा अलआउट भयो । बिहिबार नै सम्पन्न अर्को खेलमा मलेसियाले सिंगापुरलाई ६ विकेटले पाखा लगायो । सिंगापुरले प्रस्तुत गरेको १ सय ७२ रनको लक्ष्य मलेसियाले १२ बल बाँकी छंदा ४ विकेट गुमाएर भेट्टायो । नेपालसंग समान २ अंक भएपनि मलेसिया रन औषतमा पछि परेको छ । समुह ए मा दुई खेलमा जीत आत्मसाथ गरेको हङकङ ४ अंक सहित तालिकाको शिर्ष स्थानमा छ ।