थ्री स्टार लिग च्याम्पियन

रेड बुल ए डिभिजन सुपर लिगको पहिलो खेलमा लिग लिडर थ्री स्टारलाई पराजीत गर्दै लिगको दौड सबैको लागि खुला बनाएको नेपाल पुलिस क्लबले बुधबार सम्पन्न खेलमा मनाङ्गलाई गोलरहित बराबरीमा रोकेपछि थ्री स्टार क्लब २ खेल अगाडि नै लिग च्याम्पियन भएको छ। बराबरीपछि मनाङ्गको ३८ अंक भयो भने थ्री स्टारको ४२ अंक थियो। थ्री स्टारले ट्रफी सहित ७५ लाख नगद पुरस्कार पाउने छ भने एएफसी प्रेसिडेन्ट कप खेल्ने अवसर पनि पाएको छ।