रियलको जीत, एथ्लेटिको पराजीत

स्पेनिस ला  लिगा अन्तर्गत आइतबार राती सम्पन्न खेलमा लिग तालिकाको दोस्रो स्थानमा रहेको एथ्लेटिको म्याड्रिड रियल सोसियाड १-० ले पराजीत भयो भने तेस्रो सतहमा रहेको रियल म्याड्रिड सेल्टा डी भिगो विरुद्ध २-१ को जीत दर्ता गर्दै लिग तालिकाको दोस्रो स्थानमा उक्लियो। जीत पछि रियलको २७ खेलबाट ५८ अंक भयो भने एथ्लेटिको ५७ अंकमा सीमित भयो। लिग लिडर बार्सिलोना समान खेल खेल्दै ७१ अंक सहित शीर्ष स्थानमा रहेको छ।
रियलको जीतमा उसका स्टार खेलाडी क्रिस्टियानो रोनाल्डोले दुवै गोल महत्त्वपूर्ण योगदान दिए। जारी लिगमा उनको गोल संख्या २६ पुग्यो, उनी भन्दा अगाडि बार्सिलोनाका लियोनल मेस्सी रहेका छन्। मेस्सीले जारी लिगमा ४० गोल गरेका छन्। आइतबार नै सम्पन्न अन्य खेलमा एथ्लेटिको बिल्बाओले भ्यालेन्सियालाई १-० ले पराजीत गर्यो भने लेभान्ते र गेटाफेले गोलरहित बराबरी खेले।