युनाइटेड र चेल्सीले बराबरी खेले

आइतबार राती एफए कप अन्तर्गतको खेलमा चेल्सीले म्यानचेस्टर युनाइटेडलाई उसकै घरेलु मैदानमा २-२ को बराबरीमा रोक्न सफल भएको छ। जाभियर हर्नान्डेजले ५ औं र रोनीले ११ औं मिनेटमा युनाइटेडको लागि गोल गरेपछि चेल्सी पहिलो हाफमा २-० पछि परेको थियो। चेल्सीका हाजार्डले ५९ औं मिनेटमा पहिलो गोल फर्काए भने दोस्रो गोल ६८ औं मिनेटमा रामिरेसले गर्दै बराबरीमा ल्याए। सोहि रात सम्पन्न अर्को खेलमा मिल्वाल र ब्ल्याकबर्नले गोलरहित बराबरी खेले।