रेड बुल ए डिभिजन सुपर लिगको पहिलो खेलमा पुलिससंग हारेको लिग लिडर थ्री स्टार दोस्रो खेलमा फ्रेन्ड्सलाई पराजीत गरेर उपाधिको लागि केही ढुक्क भएको थियो, तर तेस्रो खेलमा एनआरटीलाई १-० ले नतिजा सुम्पिए पछि लिगमा रोमान्चकता थपिएको छ भने थ्री स्टारलाई भने ठुलो दबाब परेको छ। शुक्रबार सम्पन्न खेलमा थ्री स्टारका सन्दीप राई दोस्रो हाफको ५० औं मिनेटमा रातो कार्ड खादै मैदान छाडेका थिए। त्यसपछि पनि राम्रो खेल पस्किरहेको थ्री स्टारले ७३ औं मिनेटमा गोल खान पुग्यो। एनआरटीको लागि ७३ औं मिनेटमा विदेशी खेलाडी सेगुलले गोल गरेका थिए। जीत पछि एनआरटी ३२ अंक सहित लिग तालिकाको तेस्रो स्थानमा उक्लियो। ऊ भन्दा अगाडि एक खेल कम खेलेको मनाङ्गको पनि समान ३२ अंक छ भने हार पछि पनि थ्री स्टार ३८ अंक सहित शीर्ष स्थानमा छ।
Comments
Post a Comment