शीर्ष टोली सबै पराजीत, मनाङ्ग दोस्रो स्थानमा उक्लियो

रेड बुल ए डिभिजन सुपर लिग अन्तर्गत सोमबार सम्पन्न खेलमा मनाङ्गले आरसिटी विरुद्ध २-० ले विजयी भएको छ। यो जीत संगै २९ अंकसहित मनाङ्ग लिग तालिकाको दोस्रो स्थानमा उक्लियो भने पहिलो चरणको लिगमा आरसिटी विरुद्ध २-० ले हारेको बदला पनि लियो। आरसिटी भने २६ अंकमा नै सीमित हुँदै पुलिस संग अंक बराबरी भए पनि हेड टु हेड नियम अनुसार लिगको आठौ स्थानमा झर्यो। सोमबारको खेल समाप्ति पछि शीर्ष चार टोली सबै हार आत्मसाथ गर्यो भने पाँचौ देखि आठौँ स्थान सम्मका सबै जीत दर्ता गर्दै लिगलाई रोमान्चकता थप्ने कम गरेको छ।
मनाङ्गको जीतमा पहिलो हाफको अतिरिक्त समयमा सर्जियो चिकोले गोलको खाता खोलेका थिए भने ६९ औं मिनेटमा शिव श्रेष्ठले अनिल गुरुङको पास सदुपयोग गर्दै गोल गरेपछि जीत सुनिश्चित गरेका थिए।