मेस्सीको कीर्तिमानी गोल, बार्सा रियल भन्दा १६ अंकले अगाडि

लियोनल मेस्सीले कीर्तिमानी गोल गरेपछि बार्सिलोनाले स्पेनिस ला-लिगा अन्तर्गत शनिबार राती सम्पन्न खेलमा डिपोर्तिभा ला विरुद्ध २-० जीत निकाल्यो। अर्को गोल एलेक्सिस सन्चेजले पहिलो हाफको ३७ औं मिनेटमा गरेका थिए। मेस्सीले खेलको ८७ औं मिनेटमा गोल गर्दै लिगको १७ खेलमा लगातार गोल गरेर कीर्तिमानी बनाएका हुन्। यस अगाडि यो कीर्तिमानी ट्योडर पेटेरेकको नाममा थियो। पेतेरेकले पोलिस पहिलो डिभिजनको लिगमा लगातार १६ खेलमा गोल गरेका थिए। मेस्सीले जारी लिगमा २७ खेल खेल्दै ४० गोल गरिसकेका छन् भने अर्का स्टार खेलाडी क्रिस्टियानो रोनाल्डोले २४ गोल मात्र गरेका छन्। शनिबार राती नै सम्पन्न अन्य खेलमा रायो भल्लेकानोले इस्पनियोललाई २-०, मोलार्काले सेभिल्लालाई २-१ ले पराजीत गर्यो भने रियल भल्लाडोलिड र मालागाले १-१ को बराबरी खेले। शुक्रबार राती सम्पन्न एक मात्र खेलमा रियल बेटिसले ओससुना विरुद्ध २-१ को जीत दर्ता गर्यो।