सुपर लिग फागुन २५ देखि

सर्वाधिक पुरस्कार  राशिको शहीद स्मारक रेड बुल ए डिभिजन लिग फूटबल प्रतियोगीता यहि फागुन २५ देखि सुरु हुने भएको छ। पहिलो चरणको खेलबाट आठौँ स्थानसम्म अटाउने टोलीबीच सुपर लिग हुन लागेको हो। थ्री स्टार ३५ अंक सहित लिगको शीर्ष स्थानमा छ भने आर्मी २८ अंक लिएर दोस्रो स्थानमा छ। नेपाल पुलिस र थ्री स्टार बीचको खेलमा पुलिस विजयी भए उपाधिको होड खुल्ला हुनेछ भने थ्री स्टार  विजयी भए लगभग थ्री स्टार नै लिग च्याम्पियन हुने निश्चित छ। लिगको तेस्रो स्थानमा २७ अंक सहित मच्छिन्द्र रहेको छ। मच्छिन्द्रले लिगको सुरुवात राम्रो गरेपनि अन्तिम खेलहरु कमजोर आँकिएको टिमलाई नतिजा सुम्पदा तेस्रो स्थानमा खुम्चनु परेको हो। आरसिटी, मनाङ्ग र एनआरटी समान २६ अंक सहित लिग तालिकाको चौथो, पाँचौ र छैठौ स्थानमा रहेका छन् भने फ्रेन्ड्सको २५ र साबिकको विजेता पुलिसको २३ अंक रहेको छ।