युनाइटेड सिटी संगको दूरी बढाउन सफल

इन्ग्लिश प्रिमियर लिग अन्तर्गत शनिबार राती सम्पन्न खेलमा लिग लिडर म्यानचेस्टर युनाइटेडले लिग तालिकाको पुछारमा रहेको क्वीन पार्क रेंजर्स विरुद्ध २-० को जीत निकाल्दै २७ खेल बाट ६८ अंक जोड्न सफल भएको छ। यो एक खेल कम खेलेको डिफेनडिंग च्याम्पियन म्यानचेस्टर सिटी भन्दा १५ अंक बढी हो। युनाइटेडको लागि २२ औं मिनेटमा राफेल र ७९ औं मिनेटमा रायन गिग्सले गोल गरेका थिए। शनिबार राती नै सम्पन्न अन्य खेलमा आर्सनलले एस्टन भिल्लालाई, नर्विचले एभर्टनलाई र वेस्ट ब्रोमविच अल्बियनले सन्डरल्याण्डलाई समान २-१ गोल अन्तरले पराजीत गर्यो भने विगन एथ्लेटिकले रिडिंगलाई ३-० र फुल्हमले स्टक सिटीलाई १-० ले पछि पार्यो।