बार्साको घरेलु मैदानमा रियलको सानदार जीत

रियल म्याड्रिड कोपा डेल रेको फाइनल प्रवेश गरेको छ। चीर प्रतिद्वन्दी बार्सिलोनाको घरेलु मैदान न्युक्याम्पमा मंगलबार राती सम्पन्न खेलमा स्टार खेलाडी क्रिस्टियानो रोनाल्डोको २ गोल मद्दतले रियलले बार्सालाई ३-१ पछि पार्न सफल भयो। खेलको १३ औं मिनेटमा प्राप्त पेनाल्टीमा रोनाल्डोले गोल गरेपछि रियल अगाडि बढेको थियो। दोस्रो हाफको ५७ औं मिनेटमा फेरि रोनाल्डोले दोस्रो गोल गरेपछि बार्सा समर्थक स्तब्ध भएको थियो। तेस्रो गोल राफाएल भरनले ६८ औं मिनेटमा गरेका थिए भने बार्साको तर्फबाट ८९ औं मिनेटमा जोर्डी अल्बाले सान्त्वना गोल गरेका थिए।
यी दुई बीचको पहिलो लिग भने १-१ को बराबरीमा सकिएको थियो।