नर्दन मरियाना आइल्याण्ड र बंगलादेशले अभ्यास थाले

एएफसी च्यालेन्ज कप छनौट प्रतियोगिताको समूह डी मा सहभागिता जनाउन आएको नर्दन मरियाना आइल्याण्ड र बंगलादेशले मंगलबारदेखि अभ्यास खेल सुरु गरेका छन्। फगुन १९ देखि २३ गते सम्म दशरथ रंगशालामा संचालन हुने प्रतियोगितामा काठमाडौँको हावापानी संग परिचीत हुन २३ सदस्यीय नर्दन मरियाना टोली आइतबार काठमाडौँ आएको हो भने ३१ सदस्यीय बंगलादेशी टोलि सोमबार आइपुगेको थियो। नर्दन मरियानाले मंगलबार आर्मी फिजिकल फिटनेस सेन्टरमा अभ्यास गरेको थियो भने बंगलादेशले प्रहरीको मुख्य मैदान नक्सालमा अभ्यास गर्यो।