रियलको जीतमा रोनाल्डोको ह्याट्रिक

क्रिस्टियानो रोनाल्डोले ह्याट्रिक गरेपछि ला लिगा अन्तर्गतको खेलमा रियल म्याड्रिडले सेभिल्लालाई 4-1 को फराकिलो अन्तरले पराजीत गरेको छ। रोनाल्डोले 25, 45 र 58 औं मिनटमा गोल गर्दै ह्याट्रिक पुरा गरेका थिए भने अर्को गोल 17 औं मिनेटमा करिम बेन्जिमाले गरेका थिए। सेभिल्लाको लागि 86 औं मिनेटमा मनुले सान्त्वना गोल गरेका थिए। रोनाल्डोले जारी लिगमा 22 खेल खेलेर गोल संख्या 24 पुराएको छ भने ऊ भन्दा अगाडी मेस्सीले 34 गोल गरेका छन्। यो जीत संगै रियलले 23 खेल खेलेर 46 अंक जोड्दै लिग तालिकाको तेस्रो स्थानमा यथावत छ भने 1-1 खेल कम खेलेको बार्सिलोना र एथलेटिको म्याड्रिड क्रमश 59 र 50 अंकका साथ लिग तालिकाको पहिलो र दोस्रो स्थानमा छ।
गएराती नै सम्पन्न ला लिगा अन्तर्गतको अन्य खेलमा ग्रानाडाले दिपोर्तिवो ला कोरुनालाई 3-0, मालगाले लाभेन्टेलाई 2-1 र भ्यालेन्सियाले सेल्टा डि भिगोलाई 1-0 ले पराजीत गर्यो भने मोलार्का र ओसासुनाले 1-1 गोलको बराबरी खेलेका छन्।