बार्सिलोनाको फराकिलो जीत

बार्सिलोनाले ला-लिगा अन्तर्गत आइतबार राती सम्पन्न गेताफे विरुद्धको खेलमा गोलको बर्षा गरेको छ। बार्साले यो सिजनमा लिगको 20 औं जीत निकाल्ने क्रममा गेटाफेलाई 6-1 ले पाखा लगायो। बार्साको लागि एलेक्सिस संचेज (5'), लियोनल मेस्सी (12'), डेभिड भिल्ला (57'), टेल्लो (78'), आन्द्रेस इनिएस्टा (89') र गेरार्ड पिके (91') ले गोल गरेका थिए भने गेटाफेको लागि 82 औं मिनेटमा अल्भारोले सान्त्वना गोल गरेका थिए। आइतबार राती नै सम्पन्न अन्य खेलमा रियल सोसियाडले रियल जरागोजालाई, रायो भल्लेकानोले र एथ्लेटिको मेड्रिडलाई समान  2-1 पराजीत गर्न सफल भयो भने  इस्पन्योलले एथलेटिक बिल्बाओलाई 4-0 सहजै पाखा लगाउन सफल भयो। मंगलबार राती सम्पन्न रियल बेटिस र रियल भाल्लाडोलिड विरुद्धको  एक मात्र खेल  भने गोलरहित बराबरीमा सकिएको छ।

23 औं चरणको खेल समाप्तिमा बार्सिलोना 20 जीत, 2 बराबरी र 1 हारको नतिजा निकालेर 62 अंक सहित लिगको शीर्ष स्थानमा रहेको छ भने डिफेन्डिंग च्याम्पियन रियल मेड्रिड 46 अंकमा साथ लिग तालिकाको तेस्रो स्थानमा रहेको छ।