मनाङ्ग सिमरा गोल्ड कपको फाइनलमा

निराजन मल्लले उपलब्ध गराएको क्रस बललाई हेडमार्फत 31 औं मिनेटमा सुजल श्रेष्ठले गोल गरेपछि डिफेन्डिंग च्याम्पियन मनाङ्ग चौथो म्याजिक मोमेन्ट सिमरा गोल्ड कपको फाइनल प्रवेश गरेको छ।  मनाङ्गले यो जीत संगै काठमाण्डौमा सम्पन्न पहिलो चरणको लिगमा हारेको बदला मछिन्द्रसंग लिन सफल भयो। एक गोलले पछि परेको स्थिति उल्टाउन मच्छिद्रले धेरै प्रयास गरेपनि सफलता भने हात परेन। मच्छिन्द्रका नियमित कप्तान दीपक राई र बिशाल राई ए राष्ट्रिय टिमको प्रशिक्षणमा रहेकोले उसलाई त्यसको अभाव खड्किएको थियो।