युनाईटेड बराबरीमा रोकियो

इंग्लिश प्रिमिएर लिग अन्तर्गत गत राती दुई ठूला खेल सम्पन्न भयो। रोबिन भान पर्सीले 24 औं मिनटमा गोल गरेपछि जीतको नजिक पुगेको लिग लिडर म्यानचेस्टर युनाईटेडलाई क्लिन्ट देम्प्सेयले टोटन्हमको लागि 92 औं मिनटमा बराबरी गोल गरे। त्यसपछि कुनै नाटकीय परिवर्तन आएन। खेल 1-1 को बराबरीमा टुंगियो। यो बराबरीले दोस्रो स्थानमा रहेको म्यानचेस्टर सिटीलाई थोरै भए पनि राहत महसुस भयो। रफयेल बेनेटिजले सम्हाले पछि पनि खासै राम्रो गर्न नसकिरहेको चेल्सीले भने आर्सनल विरुद्ध 2-1 को नतिजा निकाल्न सफल भयो। जुवान माताले 5 औं मिनटमा नै अग्रता दिलाएको चेल्सीले फ्रान्क लाम्पार्डको पेनाल्टी गोल मार्फत 15 औं मिनटमा अग्रता दोब्बर बनाएको थियो। आर्सनलको तर्फबाट 57 औं मिनटमा थेओ वाल्कोटले एक गोल गरे पनि त्यसले नतिजामा कुनै असर परेन। यी दुई खेल संगै शीर्ष 4 टिमले 23 औं चरणको खेल सकेका छन्। म्यानचेस्टर युनाईटेड 56 अंक सहित शीर्ष स्थानमा नै छ भने 51 अंकका  साथ डिफेन्डीङ्ग च्याम्पियन  म्यानचेस्टर सिटीले उसलाई पछ्याई रहेको छ। त्यसै गरि चेल्सीको 45 र  टोटन्हमको 41 अंक भएको छ।